Wayah esuk jagone padha kluruk,srengengene abang mranang katon saka pungkruk.
Tangi gregah thenguk-thenguk,isih ngantok-ngantuk lawang dibuka karo lingak-linguk.
Biyung tani marani karo nggawa wedang bubuk,ora lali ngulungake gethuk sapincuk
Kanggo sarapan esuk,wedang disruput keselak watuk-watuk.
Mangkat menyang sawah ngawa pacule,tekan sawah njabuti sukete mateni ulere,njupuki
Keonge kanggo lawuh mangan sore.
Sawah subur tandurane nyenengake Lombok,terong ditandur ing galengane.
Sedelok maneh bisa ngundhuh asile,bola-bali dietung batine,mesam-mesem kaya ora sabaene.
Mendhung peteng angendhanu udan deres dalane lunyu,ora terang-terang nganti seminggu –
Hawane adhem njekut, turune njingkrung awake kaku.
Swara kenthongan bola-bali keprungu rasa sumelang ing jero atiku krungu tulung-tulung warga
Desaku.
Kojur –kujur awakku.
Karangan : MTH.Munarti.
0 komentar:
Posting Komentar